બદલો (અછાંદસ કાવ્ય-પઠન)

 

અરીસાનો ઉપયોગ થઈ શકે
એ પૂરતો
ચહેરો પહેર્યો હતો મેં,

ત્યારે ખબરે ય ન હતી
કે...

સરોવરની સપાટી પર ઠરતાં ઝાકળની જેમ
મારે માર વ્યક્તિત્વને
છુપાવીને જીવવું પડશે!

ધુમ્મસનો કામળો ઓઢી
નગરચર્ચા જોવા નીકળેલો
સૂર્ય
હવે મારું કંઈ બગાડી શકે તેમ નથી....

કારણ કે

દેડકાની આંખોમાં પુનર્જન્મ લઈ
કરેલા
ભૂગર્ભવાસ દરમ્યાન
સૂર્ય સામે
અરીસાનાં શસ્ત્ર વાપરતાં
મેં શીખી લીધું છે.

-------૧૯૮૪--------

સૌજન્ય
ભૂરી શાહીનાં ખળખળ 
(સીડી-કાવ્યસંગ્રહ)

ભૂરી શાહીના કૂવા કાંઠે