સંગીત આલબમ : આસોપાલવની ડાળે

------------------------

નીંદર પહેલાં જ તેંતો શમણાં દીધાં, ને દીધાં ભોજનિયાં પહેલાં મુખવાસ,
વાટડી વચાળ ક્યાંથી લાવું ઉતારા, ભૂંડા ચાડિયા ખડા છે ચાસ-ચાસ....

ભૂંડા ચાડિયા ખડા છે ચાસ-ચાસ.

તારી લજવાતી નજર્યુંને આંચળ, રૂપાળી! તારા દલડાને મેં દોહ્યૂં.
તારી ચડતી જવાનીની થપાટે, રૂપાળા! મારા ઝરણાને મેં ખોયું.

પોપટ-મેનાને મંન દોમદોમ ફૂલો, ને ભગરી ભેંસોને મંન ઘાસ,
દલડાંના દુશ્મન જો ડોળા દેખાડશે તો કાજળમાં લેશું વનવાસ;

કાળા કાજળમાં લેશું વનવાસ.

તારા ઠલવાતા હૈયાની ધારે, રૂપાળા! મારું આંગણિયું મેં ધોયુ..
તારી ભરતીનાં મોજાંને કાંઠે, રૂપાળી! મારું જોબનિયું મેં જોયું!

1997

Music Composer: Ghanshyam Thakkar (Oasis Thacker)

All the in instruments and rhythms performed by Ghanshyam Thakkar

Oasis Thacker Production