રૂડા શ્યામ ઘેર આવ્યા

રૂડા શ્યામ ઘેર આવ્યા

ગીત અને સંગીતઃ ઘનશ્યામ ઠક્કર

સ્વરઃ કિશોર મનરાજા, નેહા મહેતા અને વ્રુંદ

સંગીત આલબમ : આસોપાલવની ડાળે

------------------------

શમણાં ઉગાડી રૂડા શ્યામ ઘેર આવ્યા ,

જાણે ચાદનીએ વાદળાં ઝુલાવ્યાં

પૂનમની રાતે ,

ચાદનીએ વાદળાં ઝુલાવ્યાં રે, નટખટિયા કુંવર ;

શમણાં ઉગાડી રૂડા શ્યામ ઘેર આવ્યા .

 

શમણાં વચાળે કહાને કોને રે છુપાવ્યાં?

'એમાં ફૂલ-ગુલાબી રાધા,

જેનાં ગોરસ કહાને ખાધાં,

પછી દૂધની લીધી બાધા!

(બની જૈને સીધા સાદા)'

તોયે જસોદાની જેલમાં પૂરાયા રે નટખટિયા કુંવર ,

શમણાં ઉગાડી રૂડા શ્યામ ઘેર આવ્યા

 

ચુંદડી ચોરો તો તુંને જમુનાજીની આણ, કાનુડા !

દઊં ગાળ જો ચોરો ચોળી,

હૂં તો એટલી બધી ભોળી,

પૅ'રી ચોળી મેંતો ધોળી,

પાછી અત્તરમાં ઝબકોળી

કાળા ચોરને એંધાણ ઓળખાવ્યાં રે,નટખટિયા કુંવર ;

શમણાં ઉગાડી રૂડા શ્યામ ઘેર આવ્યા

....